Subscríbete ao noso boletín
Recibe novas no teu email
As imaxes, obra do fotógrafo compostelán Aigi Boga, realizáronse nas cinco asociacións galegas de dano cerebral e están protagonizadas por persoas con distintos graos de discapacidade e en diferentes situacións que amosan o seu día a día.
O venres desta semana remata o prazo para inscribirse no curso de verán "A familia no novo réxime da discapacidade" da USC e que se desenvolverá os días 19, 20 e 21 deste mesmo mes na Facultade de Dereito. O obxectivo do curso é dar a coñecer a transcendencia social e xurídica da Lei pola que se reforma a lexislación civil e procesual para o apoio das persoas con discapacidade.
No Día internacional do ioga entrevistamos a Jorge Ferro. El ten dano cerebral como consecuencia dun traumatismo cranioencefálico sufrido nun accidente de coche. Como explica na entrevista, unha vez recibe a alta no Servizo de Atención Especializada aceptou a proposta para continuar con nós facendo o que mellor sabía facer antes do accidente. Así, desde hai dous anos dirixe como voluntario a actividade de ioga organizada desde o Servizo de información a familias e que agora se realiza en modalidade online.
O reto de natación en augas abertas entre O Grove e Ribeira celebrarase o 31 de xullo. A saída será na praia de Confín e a chegada na de Coroso despois de percorrer 7,04 millas náuticas (13.038 metros). A iniciativa, que nace en 2015 grazas a Manuel Martínez “O Nacho”, busca visibilizar o Dano cerebral Adquirido.
González Abeijón visitou esta maña a entidade para coñecer o funcionamento dos servizos e os proxecto. As persoas usuarias trasladáronlle a necesidade de que todas as persoas usuarias do centro de día estean vacinadas e lembráronlle que compañeiros e compañeiras seguen sen incorporarse ao servizo. O presidente de Sarela, José Balboa, agradeceu o apoio durante a crise sanitaria e trasladou un documento con propostas para a mellora da atención ao dano cerebral e das políticas sociais en xeral.
Quen o desexe pode inscribirse na actividade pois non existe límite de prazas. Son todos os martes ás 10:00 horas e teñen unha duración de 45 minutos aproximadamente. O monitor é o voluntario Jorge Ferro, que xa dirixía a actividade cando se facía de forma presencial.
A Deputación da Coruña concedeu a Sarela unha subvención de 25.086 euros dentro do “Programa FOCVAA: convocatoria do programa de subvencións a entidades sen fins de lucro para o mantemento de programas sociosanitarios durante o ano 2021”. A resolución foi publicada no BOP do 18 de maio. Esta subvención afianza o Servizo de información, orientación e apoio a familias que é un elemento fundamental e gratuíto para as persoas e familias con DCA.
Os días 28 e 31 deste mes coa formación para familias para falar da prevención e manexo do estrés. Diferenzas entre ansiedade e estrés, os sinais para detectalo, a relación entre este e a aparición de enfermidades, recomendacións para previlo e técnicas para manexalo. Estes son algúns dos contidos da sesión formativa que conducirá Julia Lodeiro (psicóloga/neuropsicóloga en Sarela). Esta actividade será online e durará unha hora.