Sarela estrea o novo centro o luns 26 de xaneiro

22/01/2015

A asociación atópase estes días en proceso de traslado.

O luns, día 26 de xaneiro, producirase a esperada estrea do novo centro de día de Sarela. Desde ese día todas as actividades e servizos da asociación prestaranse nas novas instalacións do Traspaxonal. Os horarios que sexan modificados serán notificados ás familias e persoas usuarias afectadas.
 
Sarela anunciará, unha vez a asociación estea completamente establecida, os novos horarios de atención ao público. Mentres, mantéñense os teléfonos e enderezos de correo electrónico de contacto para as persoas que precisen facer consultas ou concertar citas.
 
Esta semana a asociación estase dedicando a recoller o local do barrio das Cancelas, empaquetar e trasladar os materiais, mobles e outros recursos ao novo centro. Ao mesmo tempo, conta cun equipo de persoas voluntarias -na imaxe, algunhas delas- que acompañan ás profesionais e á xunta directiva na montaxe e demais actividades necesarias para a estrea do novo centro.
 
Sarela non suspendeu os seus servizos durante a mudanza, polo que toda esta semana se manteñen as actividades e tratamentos, así como o centro de día. O luns serán retomadas no novo centro.
 
Nas vindeiras semanas, co traslado e instalación rematados, prepararase a inauguración oficial que será debidamente anunciada ao público. Sarela agradece o interese e a colaboración de todas as persoas que se ofreceron a traballar na mudanza e que a diario se interesan pola boa marcha da asociación.
 
Categorías: Sarela
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información