• XSolidaria 2021 png

Noticias

“Mulleres con discapacidade coidadoras”, encontro de Cermi Galicia con motivo do Día da Muller

“Mulleres con discapacidade coidadoras”, encontro de Cermi Galicia con motivo do Día da Muller

CERMI Galicia conmemora o Día da Muller traballadora con este encontro que se desenvolverá o 4 de marzo e no que varias mulleres con e sen discapacidade falarán da súa experiencia como coidadoras doutras persoas con e sen discapacidade. A socia de Sarela Ana Isabel Pedrosa participará no mesmo, que será online, en representación de Fegadace. Ampliando a noticia podes acceder ao programa desta xornada e á forma de acceso á mesma.


O encontro “Mulleres con discapacidade coidadoras” (ver o programa) será o 4 de marzo e comezará ás 10:00 horas, coa apertura por parte do presidente do CERMI Galicia, Luciano Fernández, e a Secretaria Xeral da Igualdade, Susana López Abella. A seguir, Isabel Quintairos -xornalista e representante do Comité en Primeira Persoa de Saúde Mental FEAFES Galicia- vai moderar unha mesa de experiencias na que nove mulleres van achegar as súas impresións sobre o coidado de persoas en situación de dependencia. En representación do colectivo do dano cerebral adquirido vai intervir Ana Isabel Pedrosa, muller con discapacidade e coidadora. Ao rematar, Isabel Quintairos vai presentar as conclusións do intercambio, e Dolores Venancio, responsable da Comisión da Muller do CERMI Galicia, vai pechar o acto. Finalizará arredor do mediodía.

Datos de acceso

As persoas interesadas poden asistir directamente a través dos seguintes datos de acceso, ou tamén poden inscribirse cubrindo este formulario de inscrición. O encontro organízase a través da plataforma Zoom. Para entrar dende o ordenador ou desde a app móbil o enlace é: https://once.zoom.us/j/92829645086

Para facelo por teléfono, chamar a calquera dos números abaixo listados, introducir o código 928 2964 5086# e despois saltar a introdución de usuario premendo outra vez #:

+34 91 787 0058 (España)
+34 917 873 431 (España)
+34 84 368 5025 (España)

Podes buscar o teléfono doutro país seguindo este enlace: https://once.zoom.us/u/acrNYjLk3B

 

 

 

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar