• XSolidaria 2021 png

Noticias

Campaña de prevención do ictus no centro de saúde de Fontiñas

Campaña de prevención do ictus no centro de saúde de Fontiñas
O ictus é a principal causa do dano cerebral adquirido. Está detrás do 78% de casos desta discapacidade. Moitas das persoas usuarias de Sarela chegaron á asociación despois dun ictus, e por iso son as máis interesadas en sensibilizar á poboación sobre os seus factores de risco e os seus síntomas de alarma. Sarela desenvolve de maneira permanente unha campaña de sensibilización en diferentes centros sanitarios da cidade de Santiago.
 
O último martes de setembro foi a quenda de o Centro de Saúde de Fontiñas. Profesionais e persoas usuarias de Sarela con dano cerebral causado por ictus estiveron no centro para informar á poboación sobre esta doenza.
 
A base da campaña de sensibilización é un folleto que serve para avaliar o coñecemento do ictus que ten a persoa que está a ser informada. A continuación, apórtaselle información sobre como identificar o ictus, insistindo na necesidade de acudir canto antes a urxencias se se percibe rixidez ou parálise nunha soa metade do corpo, unha dor de cabeza aguda e repentina, ou dificultades para falar ou para comprender o discurso oral.
 
A información complétase con pautas sobre hábitos saudábeis e outras maneiras de previr os factores de risco do ictus.
 

Multimedia

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar