• XSolidaria 2021 png

Noticias

Alternativas para viaxes e lecer inclusivo

Alternativas para viaxes e lecer inclusivo

Moitas empresas e entidades son conscientes das necesidades que poden ter as persoas con discapacidade á hora de desprazarse ou acceder a bares, teatros, museos ou roteiros. Por iso existe unha oferta, máis accesible grazas a internet, de alternativas inclusivas para diferentes tipos de discapacidade e niveis de dependencia diversos.

En concreto, recentemente lanzouse a páxina web Handiway, unha plataforma con ofertas de turismo e lecer inclusivo creada por dúas persoas con discapacidade amantes das viaxes. Na súa web, www.handiway.com, recompilan diferentes lugares e proveedores con ofertas accesibles.

Handiway clasifica a súa oferta de produtos segundo o tipo de discapacidade para a que están adaptados. Tamén permite buscar por cidade e tipo de actividade.

A nivel asociativo, a Plataforma Representativa Estatal de Persoas con Discapacidade Física (PREDIF) leva anos traballando en recursos de turismo accesible. Organizan viaxes e editan guías que facilitan viaxar ás persoas con discapacidade. Tamén fan labor de investigación e promoción, e contan, na súa web, cun amplo directorio de recursos turísticos e de aplicacións que serven para localizar ofertas inclusivas para o tempo libre.

A institución dedicada ao turismo da Xunta de Galicia, Turgalicia, conta no seu apartado de guías cunha publicación ideadas para persoas con discapacidade: Aloxamentos accesibles.

Imaxe extraída de Pixabay con licenza Creative Commons 0.
 

Categorías: Discapacidade

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar