• XSolidaria 2021 png

Noticias

Sarela non renuncia a celebrar o Día do Dano Cerebral

Sarela non renuncia a celebrar o Día do Dano Cerebral

A situación pola que pasamos obriga a suspender actividades que viñamos realizando nos últimos anos como era a camiñada por Santiago ou a nosa presenza con puntos informativos en diferentes concellos da área sanitaria. Pero Sarela celebrará a Día do DCA coa lectura do manifesto do movemento asociativo, a iluminación de edificios da cidade e presenza en medios.

 

Un dos actos máis importantes ao longo do ano para Sarela era a marcha que persoas socias, familiares, profesionais, amigos e representantes institucionais realizaban en Santiago con motivo da celebración o 26 de outubro do Día do Dano Cerebral. A camiñada remataba na Praza do Obradoiro coa lectura do manifesto que todas as entidades do movemento asociativo redactamos para todo o Estado.

 

Este ano este acto, xunto con outros como era a instalacións de puntos informativos en Santiago, Arzúa, A Estrada e Ribeira, non serán posibles. A pesares diso, o luns 26 Sarela fará a lectura do manifesto a través dun vídeo gravado por persoas usuarias dos nosos servizos. Será o luns a partir das 12 horas do mediodía.

 

Este ano, como os últimos, tamén contaremos co apoio de institucións como a Xunta de Galicia e o Concello de Santiago para iluminar de azul, a cor do movemento asociativo do dano cerebral, os edificios administrativos Xunta de Galicia en San Caetano e San Marcos, o Pazo de Raxoi e as Torres Hejduk na Cidade da Cultura.

 

A maiores, Sarela terá presenza nos medios de información a través de distintas entrevistas e reportaxes.

 

Categorías: Sarela

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar