• XSolidaria 2021 png

Noticias

Oferta de campamentos de verán para persoas con discapacidade

Oferta de campamentos de verán para persoas con discapacidade
A Consellería de Traballo e Benestar acaba de facer pública a oferta de campamentos de verán específicos para persoas con discapacidade. O prazo de solicitude vai estar aberto ata o día 10 de xuño (incluído). A oferta está destinada a persoas cunha discapacidade igual ou superior ao 33% que teñan entre 11 e 40 anos.
 
A duración dos campamentos é de 10 días. Hai dous destinos: o Albergue Xuvenil de Gandarío (en Bergondo) e a Residencia de Tempo Libre de Panxón (en Nigrán). Aínda que a oferta completa inclúe a persoas de entre 11 e 40 anos, está previsto que se dividan en grupos de 11 a 14, de 15 a 18, de 19 a 25 e de 26 a 40 anos. O prezo é igual para todas as modalidades: 125 euros. A oferta de datas segundo idades e ubicacións pode consultarse a continuación, ou descargando o folleto que está ao final:
 
Información campamentos de verán 2015.
 
Para solicitar praza hai que cubrir un documento oficial, que se debe presentar, xunto co informe médico, na Consellería de Traballo e Benestar, dirixidas á atención da Secretaría Xeral de Política Social (Edificio Administrativo San Caetano, s/n - 15781 - Compostela). As persoas seleccionadas recibirán unha comunicación no prazo de dez días naturais.
 
A información completa sobre requisitos, obrigas, bonificación, tipo de servizo, etc., está no folleto editado pola Consellería de Traballo.
 
Categorías: Discapacidade

Multimedia

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar