• XSolidaria 2021 png

Noticias

O X Solidario podería recadar 11 millóns máis para fins sociais

O X Solidario podería recadar 11 millóns máis para fins sociais

En 2015 as persoas que marcaron o recadro de “Fins sociais” na súa declaración da renda decidiron que 15.126.914 euros foran destinados a organizacións sen ánimo de lucro e aos seus programas. A pesar de ter medrado nos últimos anos, o certo é que preto do 47% das declaracións da renda presentadas en Galicia fanse sen marcar o X Solidario. Se todo o mundo colaborase a cifra aumentaría en 11.518.531 euros.

 

Onte as entidades do terceiro sector galego, representadas por EAPN-Galicia, CERMI-Galicia e a Coordinadora Galega de ONGD, fixeron balance destas cifras e presentaron a campaña para impulsar a colaboración cidadá no momento do facer a súa declaración do IRPF.

 

Dereito a elixir entre catro opcións

O presidente de EAPN-Galicia, Antonio Hernández Fernández, explicou que “existen catro posibilidades: marcar o recadro de Fins Sociais, marcar o recadro de Fins Sociais e o da Igrexa Católica, marcar só o cadro da Igrexa Católica ou non marcar ningún recadro”. No 

caso de marcar os dous recadros os cartos non se dividen, senón que se multiplican por dous e ademais non pagan máis impostos e tampouco teñen máis deducións. Hernández fixo fincapé na idea de que “é un dereito elixir que queres 

que se faga cos teus cartos, e non todo o mundo pon en práctica este dereito”. “ Os nosos argumentos son moi sinxelos: vivimos unha situación de crise acumulada e moitas persoas atópanse en risco de exclusión, sendo esta unha maneira de axudar e colaborar a sacalos desta situación”.


O Presidente do CERMI-Galicia, Anxo Queiruga,

 explicou que os 15 millóns de euros recadados durante o ano pasado son repartidos entre as organizacións sociais polo que “son un importante instrumento de política social para a loita contra a exclusión” e animou a marcar o X Solidario “porque non hai mellor fin que destinar unha parte dos nosos impostos a mellorar a calidade de vida de centos do persoas”.

 

Gema Filgueira, Presidenta da Coordinadora Galega de ONGD, realizou un balance das cifras acadadas no recadro Fins Sociais durante a declaración da renda presentada o ano pasado e apuntou que se todo o mundo colaborase a cifra aumentaría en máis de 11.518.531 euros. “Hai 596.995 galegas e galegos que non marcan o recadro de Fins Sociais, un xesto que non custa nada, e para estas persoas vai dirixida a nosa campaña” subliñou Filgueira.

 

 

Fotografía superior extraída da web de FEAFES (Federación de Asociacións de Familiares e Persoas con Enfermidade Mental de Galicia)

 

Categorías: Terceiro Sector

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar