• XSolidaria 2021 png

Noticias

"Non corras, conduce"

"Non corras, conduce"

Non corras, conduce é o título gañador do I Concurso Nacional de curtametraxe de Seguridade Viaria que organizou Stop Accidentes. O seu creador é Rubén Fuentes Gallego. Dirixido fundamentalmente a estudantes de comunicación, artes ou produción, o concurso ten como obxectivo sensibilizar ao público máis novo sobre a prevención de accidentes de tráfico.

O certame de Stop Accidentes pretende enfatizar a visión dos valores na seguridade viaria. A curtametraxe gañadora emprega a ficción -e o humor- para falar de prudencia e respecto ás persoas e ás normas de convivencia.

"Ponle freno"

Vídeos, e outros soportes informativos, ofrece tamén a campaña "Ponle freno" que promoven Antena 3 Televisión e a aseguradora Axa. Xuntas fixeron público o manifesto "2020 cero víctimas". Sinalan que "en 2013 conseguimos rebaixar a barreira dos mil accidentes mortais nas nosas estradas" e animan a levar esa cifra a cero no prazo que vai ata o ano 2020.

A páxina web da campaña ofrece información sobre seguridade viaria, noticias, consellos, convocatorias e todo tipo de recomendacións centradas en reducir, ata cero, a sinistralidade nas estradas.

Accidentes de tráfico e dano cerebral adquirido

Os traumatismos cranioencefálicos causados por accidentes de tráfico son a segunda causa de dano cerebral adquirido. A súa incidencia estatísca aumenta nas persoas máis novas. A sensibilización sobre a seguridade viaria é unha das prioridades das asociacións de dano cerebral. Sarela colabora con varios concellos e autoescolas impartindo charlas para incidir nesta cuestión.
 

Multimedia

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar