Nacho Mirás presenta 'El mejor peor momento de mi vida'

O 31 de decembro do pasado ano diagnosticáronlle a Nacho Mirás un tumor cerebral maligno. Aí comezou a súa persoal batalla contra o cancro, compartida por centos de miles de persoas a través do seu blog (http://www.rabudo.com), no que o xornalista de La Voz de Galicia leva relatando, cunha humillante sinceridade e grandes doses de humor, o seu día a día na loita oncolóxica. Esta tarde dará un paso máis á fronte na presentación oficial do libro que recolle esta odisea, 'El mejor peor momento de mi vida', publicado por Ediciones Paidós.

 

A posta de longo terá lugar en Santiago, no emblemático Hostal dos Reis Católicos, ás 19.30 horas. "Quizais teñamos que apertarnos para a presentación; pero se algo lle vén ben a un acto deste tipo, se algo lle vén ben a este tipo, é desde logo un baño de humanidade", adiantaba Mirás, quen estará acompañado no acto polos autores do prólogo e do prefacio do libro, Manuel Jabois e Beatriz Rodríguez Salas, respectivamente, entre outros moitos amigos.

 

Información extraída de La Voz de Galicia e imaxe de cabeceira do blog www.rabudo.com.