• XSolidaria 2021 png

Noticias

FEGADACE solicita á Xunta a reactivación dos centros de día e ocupacionais

FEGADACE solicita á Xunta a reactivación dos centros de día e ocupacionais

A Federación Galega de Dano Cerebral (FEGADACE), xunto coas súas cinco asociacións membro (ADACECO, ADACE Lugo, Alento, Renacer e Sarela) vén de remitir un escrito á Consellería de Política Social no que lle solicita á Xunta de Galicia que "reconsidere e rectifique" a medida anunciada o pasado venres pola que se retrasa a activación dos centros de día e ocupacionais ata o 1 de setembro de 2020.

 

O movemento asociativo do dano cerebral expresa esta necesidade perante a situación de "emerxencia terapéutica e social" na que se atopan as persoas e familias con dano cerebral adquirido despois de 80 días sen actividades terapéuticas de rehabilitación e inclusión. FEGADACE e as súas asociacións constatan un "deterioro global" nas dimensións física, psicolóxica e cognitiva das 1.100 persoas con dano cerebral ás que en conxunto atenden en toda Galicia.

 

Unha situación que compromete determinantemente a autonomía e calidade de vida das persoas con dano cerebral, pero que ten repercusións tamén nas familias, que desde a declaración do Estado de Alarma e a interrupción dos servizos de atención e rehabilitación o pasado 13 de marzo, encárganse de atender nos fogares ás persoas con dano cerebral, cun custe físico e emocional altísimo.

 

Retorno seguro á actividade

 

FEGADACE e as súas asociacións levan semanas traballando nun Plan de Continxencia e en Protocolos de Actuación Específicos para a volta segura aos centros, así como aprovisionándose de EPIs e outros materiais de protección e hixiene.

 

As familias e persoas con dano cerebral representadas por FEGADACE reclaman, pois, a reapertura dos centros e, de non ser posible, que se faciliten mecanismos para que as persoas con dano cerebral e as súas familias poidan recibir os servizos e tratamentos terapéuticos necesarios de maneira ambulatoria e/ou nos seus domicilios.

 

O documento remitido á Consellería de Política Social recolle unha serie de propostas para facilitar a definición de protocolos e criterios para ese retorno.
 
 
Categorías: Sarela , FEGADACE
Tags: COVID-19

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar