• XSolidaria 2021 png

Noticias

Enfriamento do cerebro, o futuro para tratar o ictus

Enfriamento do cerebro, o futuro para tratar o ictus
A hipotermia focal, que consiste en arrefriar unha zona do cerebro, e a administración intravenosa de células nai, reveláronse eficaces para tratar o ictus, polo menos nos estudos realizados con animais no Laboratorio de Neurociencias Clínicas do Instituto de Investigación Sanitaria de Santiago (IDIS). Os biólogos Alba Vieites e Esteban López recibiron premios por eses traballos na última Conferencia Europea sobre o Ictus, celebrada en Viena, por considerar que supoñen avances relevantes para tratar este grave problema de saúde. Ambos proxectos continúan, co fin de que poidan aplicarse a pacientes.
 
Coñécese que a temperatura corporal xoga un papel determinante en quen sofre un ictus. Así, explica Alba Vieites, se tras padecer un infarto cerebral o paciente presenta febre, por unha infección ou polo propio ictus, evolucionará peor. O descenso da temperatura corporal ten moito potencial terapéutico. Úsase en cardioloxía ou en neonatos que sufriron asfixia durante o parto, pero a súa indicación é limitada en pacientes con ictus, polos seus efectos adversos.
 
O estudo de Vieites comprobou que a hipotermia focal pode ser tan efectiva como o enfriamiento do corpo. En ambos casos verificou como os animais con ictus melloran e redúcese a morte de neuronas e a inflamación. Demostrou que o efecto terapéutico observado os primeiros días mantense tras acabar o tratamento: un mes despois do ictus a lesión é máis pequena nos animais tratados e a cicatriz que se forma, menos compacta.
 
Acceder ao cerebro de roedores, nos que fixo o estudo, é máis sinxelo que ao humano, que está moi ben illado térmicamente. Por iso, explica, o reto é conseguir tecnoloxía que permita arrefriar unha rexión específica do cerebro.
 
Ao traballo defendido en Viena dedicoulle ano e medio, e agora trata de aportar algunha solución tecnolóxica e estudar como afecta a hipotermia ás células para poder usalas como terapia.
 
Células nai
 
Esteban López continúa unha liña de investigación que xa se demostrou efectiva antes en Santiago para tratar o infarto cerebral en animais. El probou como a administración de células nai pluripotentes inducidas (IPS), a través da xugular, reduce o volume da lesión e mellora a recuperación nunha hemorraxia intracerebral. Os estudos continúan para pescudar como funcionan as células nai para mellorar a recuperación, explicar os resultados, e formular unha terapia para tratar pacientes, segundo explica.
 
Este tratamento resultou efectivo en casos de isquemia, cando o ictus se debe á oclusión dun vaso que non permite o fluxo sanguíneo, o que produce morte do tecido cerebral, e en hemorraxia cerebral, que se produce pola rotura dun vaso. Ambas formas son graves: a hemorraxia causa maior mortandade, pero a isquemia é máis frecuente na poboación, sostén Esteban López.
 
*Información e gráficos extraídos de La Voz de Galicia.
 
Categorías: Ictus

Multimedia

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar Rechazar