Case 20.000 dependentes agardan atención en Galicia

11/02/2014

Dictame do Observatorio Estatal para a Dependencia.

Foi presentado como o "cuarto piar do Estado do Benestar" e é unha das principais vítimas da vaga de recortes sociais realizados ao abeiro da crise económica. Mentres dende o Goberno galego se di apostar pola "aplicación efectiva" da Lei de Dependencia e se subliñan os esforzos económicos entre lembranzas á consabida herdanza recibida do bipartito e do Goberno de Zapatero, os datos amosan que, como noutros ámbitos, as cifras desmenten os argumentarios oficiais segundo os cales Galicia está "por riba da media" nesta prestación social, fundamental para a vida de moitas persoas.


O Colexio Oficial de Traballo Social de Galicia (COTSG) vén de participar no Observatorio Estatal para a Dependencia. A presidenta do COTSG, Marta Capeáns, regresa dese encontro con datos que, ao seu xuízo, acreditan que o sistema de atención á dependencia está "colapsado". Mentres cae o número total de beneficiarias e beneficiarios da lei, cun total de 56.835 a finais de 2013 que supoñen unha rebaixa de case o 7% a respecto do ano anterior, no país dase a "insoportable cifra de 18.106 persoas que, séndolles recoñecida a prestación, aínda non teñen asignados recursos".


No que atinxe a esa lista de espera, a coñecida como "limbo da dependencia", Galicia está "moi por riba da media estatal", sinala Capeáns. Pero nun sentido negativo. Así, a finais do pasado ano o 31,86% das persoas en situación de dependencia que xa tiñan recoñecida unha axuda seguían agardando a que esta se fixese efectiva. Só súas autonomías, Murcia e Canarias, presentan un resultado peor que o galego e só tres máis, Balears, Valencia e Aragón, están por riba da media estatal, situada no 20,2%.


Galicia é, polo tanto, un dos principais lastres no que atinxe á aplicación efectiva da lei que se proclama dende a Xunta e está tamén no furgón de cola no referido ao gasto público en dependencia por habitante e ano. O Observatorio calcula que, unha vez descontados os copagamentos, en territorio galego se destinan 91,92 euros por habitante á aplicación da lei, unha cantidade que está por baixo dos 109,25 euros da media estatal e aínda máis lonxe das autonomías líderes neste indicador : Cantabria (174,35), La Rioja (153,68) e Euskadi (149,44). Por baixo da Xunta só están os gobernos autonómicos de Aragón, Navarra, Murcia, Valencia, Balears e Canarias.


Neste contexto a presidenta do COTSG coida que xa non caben máis "brindes ao sol" por parte do presidente da Xunta, que debe "dar a cara polo sistema de atención á dependencia". Os datos de gasto público en dependencia e as longas esperas para acceder ás prestación levan o Colexio a reclamar que o Executivo galego reclame, por exemplo, que a dependencia estea sobre a mesa á hora de negociar o vindeiro modelo de financiamento autonómico, igual que o están a sanidade ou a educación. Os malos valores absolutos que acompañan a Galicia neste estudo, di, son "moito peores" en termos relativos, xa que Galicia c onta con moito envellecemento da poboación e espallamento territorial", advirte.

 

 

*Consulta aquí o XII Dictame do Observatorio Estatal da Dependencia.

*Exame sobre o territorio e aplicación da escala no XII Dictame do Observatorio Estatal da Dependencia.

 

*Información e gráficos extraídos de Praza Pública.

 

Categorías: Dependencia
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información