Subscríbete ao noso boletín
Recibe novas no teu email
Un dos programas máis importantes para Sarela é o de información, orientación e apoio as familias. Crear unha rede social de apoio é unha das súas funcións e así nacen iniciativas como o apoio que as familias se dan entre si. Un exemplo son os obradoiros de informática que María José, familiar dun usuario do centro de día, imparte a outras familiares.
Un dos programas máis importantes para Sarela é o de información, orientación e apoio as familias. Crear unha rede social de apoio é unha das súas funcións e así nacen iniciativas como o apoio que as familias se dan entre si. Un exemplo son os obradoiros de informática que María José, familiar dun usuario do centro de día, imparte a outras familiares.
O apoio ás familias é fundamental para as persoas con DCA e para as familias ao ter que afrontar unha nova realidade que chega de forma brusca e inesperada. O programa de información, orientación e apoio a familias de Sarela articúlase en varias accións como son a información individual e en grupo na nosa sede, o punto de información no Hospital Clínico de Santiago ou a información en concellos e centros de saúde da nosa área sanitaria, entre outros.
Crear unha rede social de apoio é outro dos obxectivos fundamentais. Para as familias das persoas con DCA contar con ela é moi importante sobre todo para as persoas que son coidadoras principais. En Sarela as persoas socias crearon un sistema de intercambio de axuda para facilitar o día a día a outras familias.
Deste xeito entre elas axúdanse, por citar uns exemplos, á hora de facer trámites administrativos, acompañar unhas hora á persoa con DCA, e tamén para impartir a formación que elas consideran de interese. Un exemplo é o curso sobre uso de internet e correo electrónico e a súa aplicación práctica para a vida cotiá que unha socia de Sarela está a dar a outras familiares da asociación.