Subscríbete ao noso boletín
Recibe novas no teu email
Elaborados polas persoas usuarias da asociación nos seus obradoiros.
A tenda online de Sarela non para de medrar. As persoas usuarias da asociación gañan experiencia co fieltro e comezaron a elaborar bolsos de cores con forma de bandoleira.
Os bolsos están elaborados con remendos, decorados con flores e outros motivos, e son de diferentes cores. Hai varios modelos, e todos eles están forrados e contan cun peto interior. A continuación pódese ver un detalle do forro:
Outra das novidades que presenta a tenda son os pendentes elaborados con fimo. Teñen un ganchiño de prata e abalorios de cores.
Mercar na tenda de Sarela é moi sinxelo: só hai que seleccionar os produtos que se queren adquirir e cubrir un pequeno formulario no que se debe anexar o documento de pagamento.
O traballo de manualidades axuda a mellorar a autoestima das persoas con dano cerebral adquirido e reforza a súa inclusión social. Nos obradoiros melloran, ademais, as súas habilidades e coñecementos manuais.