Manuel Martínez (organizador), Concha Ferández (vicepresidenta de Sarela), Manuel Ruiz (alcalde de Ribeira), Manuel Martínez

Arousa Man 2019

15/05/2019

Hoxe presentouse na casa do Concello de Ribeira a terceira edición deste reto de natación en augas abertas e que grazas á iniciativa de Manuel Martínez “O Nacho” busca visibilizar o Dano cerebral Adquirido. O reto será o vindeiro 27 de xullo e os/as 40 nadadores/as inscritos deberán completar a distancia que separa O Grove de Ribeira.

Hoxe presentouse na casa do Concello de Ribeira a terceira edición deste reto de natación en augas abertas e que grazas á iniciativa de Manuel Martínez “O Nacho” busca visibilizar o Dano cerebral Adquirido. O reto será o vindeiro 27 de xullo e os/as 40 nadadores/as inscritos deberán completar a distancia que separa O Grove de Ribeira.

 

Manuel Martínez “O Nacho” é unha persoa con Dano Cerebral Adquirido como secuela dun neurinoma do acústico, un tumor cerebral benigno que afecta a 1 de cada 100.000 persoas ao año. Desenvólvese no nervio auditivo, provoca perda de audición, perdas de equilibrio e seu desenrolo provoca diferentes danos neurolóxicos importantes. A súa ubicación, no momento da cirurxía, convérteo nun tumor de risco con danos cerebrais asociados.

 

Foi Manuel, co apoio e empeño da súa familia e amizades, o impulsor en 2015 da primeira travesía a nado entre O Grove e Ribeira para dar visibilidade ao dano cerebral adquirido. Juan Ramón, irmán de Manolo e unha das persoas que máis enerxía dedica á súa organización, resume nunha frase este reto e seus obxectivos: “nós catro horas, eles toda a vida” como chamada de atención para que a sociedade e as institucións reparen na que é a primeira causa de discapacidade e dependencia en España e sobre a que existe moito descoñecemento.

 

Na maña de hoxe presentouse esta terceira edición na Casa do Concello de Ribeira e na que participaron os citados Manuel e Juan Ramón Martínez; Manuel Ruiz Rivas, alcalde de Ribeira; Concha Fernández, vicepresidente de Sarela, e os nadadores Cristina Calviño e Guillermo Díez en representación dos/as 40 participantes que o día 27 de xullo nadarán as máis de 7 millas náuticas que separan O Grove de Ribeira.

Manuel Ruiz, alcalde de Ribeira, destacou o feito de que Manolo “O Nacho” e súa familia aproveitaran a adversidade para facer unha iniciativa que é moi querida na vila e que serve para facer visible unha discapacidade que calquera pode padecer.

 

Cristina Calviño e Guillermo Díez recoñeceron que, como nadadores, as persoas con dano cerebral son unha inspiración para superar momentos de debilidade cando levas varias horas nadando.

 

Concha Fernández, vicepresidenta de Sarela, agradeceu a Manolo “O Nacho” e a toda a organización ter contado desde o comezo con Sarela para camiñar xuntos nese difícil traballo que é dar a coñecer o dano cerebral e pelexar por acadar a mellor vida posible para as persoas con DCA. Lembrou que Sarela traballa nos concellos da área sanitaria de Santiago e puxo como exemplo o punto de información que recentemente comezou a funcionar no Hospital da Barbanza e que é atendido todos os martes de 10 a 13 por unha traballadora social da entidade.

 

Tes máis información sobre o ArousaMan 2019 na súa web ou na súa páxina de Facebook.

 

Categorías: Dano Cerebral Adqurido
Tags: ArousaMan
Compartir en:

USO DE COOKIES

Utilizamos cookies propias y de terceros para mejorar su experiencia y nuestros servicios, así como mostrarle, desde nuestro sitio web o los de terceros, publicidad basada en el análisis de sus hábitos de navegación. Si pulsa en aceptar, consideramos que admite su uso.
Puede obtener más información en nuestra Política de Cookies.

Aceptar todas Configurar Cookies Más información