Celebrada na tarde do venres, 27 de marzo.
Sarela celebrou o pasado venres a súa
Asemblea Xeral de 2014, que atendeu aos informes da entidade correspondentes a ese ano. Secundaron a convocatoria máis de vinte socios e socias da entidade, que aprobaron a memoria, contas e demais documentos presentados pola Xunta Directiva.
A asemblea ordinaria estivo acompañada de dúas extraordinarias, convocadas ex professo para unha modificación estatutaria e para modificar o enderezo social e fiscal de Sarela, unha vez rematado o traslado ao centro do Traspaxonal.
A Asemblea Xeral aprobou as contas e a memoria de actividades de 2014, así como o orzamento de 2015. No apartado de rogos e preguntas o interese das persoas asistentes estivo centrado en preguntas sobre o copagamento das prazas de centro de día.
A continuación pódese consultar a Memoria de Actividades de 2014.