Subscríbete ao noso boletín
Recibe novas no teu email
Na sección "Transparencia" desta web pódese acceder á memoria de actividade e aos documentos económicos
Sarela celebrou o 11 de marzo a súa asemblea anual de socios e socias cunha orde do día na que se incluían como principais puntos a aprobación das contas de 2015 e dos orzamentos para 2016. Nesta reunión tamén se presentou a memoria das actividades realizadas o pasado ano e houbo unha posta en común e análise dos proxectos desenvolvidos pola entidade.
Sarela terá en 2016 un orzamento total de 528.582 euros, unha cifra importante que garante o funcionamento dos servizos e actividades da asociación. Este orzamento está pensado para asumir a progresiva ocupación do centro e a posta en marcha de novos servizos, en función dos tempos administrativos.
PLAN ESTRATÉXICO 2016-2020
O máximo órgano colexiado da asociación deu o visto bo ao comezo dos traballos de elaboración do novo Plan estratéxico de Sarela para o período 2016-2020. Esta folla de ruta continuará o traballo do anterior e que se redactou para o período 2011-14.
O novo documento será, segundo a Xunta directiva da asociación, un plan realista pero ambicioso dado o cambio cualitativo que supón para a defensa e atención das persoas con dano cerebral contar cun moderno centro de atención. Desde o 17 de marzo unha comisión formada por membros da directiva, socias e profesionais de Sarela traballan na redacción no documento.
Na sección "Transparencia" desta web pódese acceder aos documentos seguintes documentos: