Participamos no encontro de coordinación de proxectos de FEDACE

Durante os días 11 e 12 de febreiro Sarela participou, representada pola súa directora Rocío Garcia, na reunión de coordinación de proxectos a nivel estatal de FEDACE (Federación española de daño cerebral) e na que participaron outras vinte e tres entidades. Este encontro dá continuidade ao celebrado en 2014 e da que saíu o “Caderno FEDACE nº 16. Planificación e xestión de proxectos nas asociacións de DCA”.

Neste último encontro establecéronse criterios de selección e valoración de proxectos para determinar cales son máis interesantes e necesarios para impulsar desde FEDACE e houbo unha posta en común dos proxectos que se están a realizar neste momento. Nas xornadas tamén houbo espazo para a formación en comunicación e dano cerebral.