O novo centro estrea os seus primeiros mobles

22/09/2014

O traslado está previsto para este 2014.

O camiño de chegada ao novo centro de Sarela vaise acurtando. A construción leva os seus últimos retoques ao tempo que van chegando os primeiros mobles do centro de día que a Asociación de Dano Cerebral de Compostela pensa estrear neste 2014.
 
O edificio consta de tres alturas das que o centro de día vai ocupar o baixo. Está pintado, as ventás contan con láminas protectoras, que impiden a visión desde fóra e que contribúen á climatización das instalacións, os baños están listos para usar, e os mobles, todos de cor branca, van chegando. Polo momento está instalada a fontanería, algunhas estanterías de obra, as mesas e cadeiras do comedor, e parte do mobiliario de despachos.
 
Sarela espera anunciar en breve a data do traslado desde o barrio das Cancelas ás novas instalacións no Restollal. A Asociación de Dano Cerebral de Compostela iniciaba en 2011 a construción dun centro de día e ocupacional coa colaboración do Ministerio de Sanidade, a través dos cartos aportados polas persoas contribuíntes que marcaron nas súas declaracións da renda a 'X Solidaria'.
 
Nesta ligazón pódese ver a obra antes da chegada dos mobles. 
 
    Comedor Estanterías Taquillas Despacho Paneis solares Garaxe
Categorías: Sarela

USO DE COOKIES

Utilizamos cookies propias e de terceiros para mellorar a súa experiencia e os nosos servizos, así como mostrarlle, desde o noso sitio web ou os de terceiros, publicidade baseada na análise dos seus hábitos de navegación. Se pulsa en aceptar, consideramos que admite o seu uso.
Pode obter máis información na nosa Política de Cookies.

Máis información