Convenio de colaboración con Fundación La Caixa para o proxecto de Mantemento e Mellora da Autonomía Persoal e Inclusión Social

Sarela e a Fundación La Caixa asinaron este mes o convenio de colaboración en base ao cal se desenvolverá o proxecto de Mantemento e Mellora da Autonomía Persoa e Inclusión Social cunha chega de 12.920 euros. Este proxecto foi seleccionado na convocatoria de axudas “Social Galicia 2022” da fundación.

A convocatoria “Social Galicia 2022” ten como finalidade colaborar con organizacións non lucrativas que desenvolven os seus proxectos en Galicia para impulsar iniciativas dirixidas especialmente a persoas que se atopan en situación de vulnerabilidade social e cuxo obxectivo é mellorar a súa calidade de vida e fomentar a igualdade de oportunidades.

O proxecto presentado por Sarela está orientado a aquelas persoas con Dano Cerebral que se atopan na fase de estabilización tras o período de rehabilitación e propóñense actividades de cara a continuar a mellora e/ou mantemento das súas capacidades e habilidades adquiridas ata o momento. O proxecto busca tamén facer uso dos recursos comunitarios que temos ao noso alcance favorecendo as relacións interpersoais co resto de compañeiros/as.