+34 981 577 037
- Categorías
- Artigo
- Dano Cerebral Adqurido
- Dependencia
- Día do Dano Cerebral
- Discapacidade
- Familias
- FEDACE
- FEGADACE
- Ictus
- Prevención
- Sarela
- Servizo de Atención Diúrna Terapéutica
- Servizo de Atención Especializada
- Servizo de Información
- Servizo de Orientación Laboral
- Servizo MAPIS
- Teatro
- Tenda
- Terapia acuática
- Terceiro sector
- Voluntariado
Subscríbete ao noso boletín
Recibe novas no teu email
Benestar concerta dez prazas de centro de día con Sarela
13/01/2015
Súmanse ás doce que conforman o actual centro de día da asociación.
O presidente da Asociación de Dano Cerebral de Compostela, José Balboa, asinou onte un contrato coa Consellería de Traballo e Benestar polo que Sarela vai xestionar dez novas prazas de atención a persoas con dano cerebral adquirido en Santiago.
En concreto, o contrato establece que Sarela responsabilízase da "reserva e ocupación de prazas no servizo de atención diúrna terapéutica" a persoas con dano cerebral no concello de Santiago de Compostela.
As dez novas prazas concertadas por Benestar súmanse ás doce que actualmente xestiona Sarela. A ampliación vaise facer efectiva este mes de xaneiro, co traslado da asociación ao novo centro do Traspaxonal, onde poderá dar cabida ás dez persoas que se van incorporar ao centro de día.
As persoas que se beneficien das prazas concertadas pasarán oito horas diarias no centro de atención. Este servizo implica diferentes prestacións similares ás que xa se están a proporcionar en Sarela, como información, orientación, tratamentos, apoio psicolóxico ou inclusión social.
O contrato ten vixencia por case un ano (desde o 12 de xaneiro ao 31 de decembro de 2015) e comprende o servizo de atención diúrna e o de transporte ao centro.
